pinky Girls

اهلا ومرحبا بك يا زائر فى منتدياات « Pinky Girls «
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
اهلا ومرحبا بكـ يا زائر فى منتديات Pinky Girls .. تم تركيب MMS جديده فى المنتدى وتعديل البيانات الشخصيه .. مبروووكـ عليكوـوم

شاطر | 
 

 مش بعررررررررف اكذب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
BeST GiRl
pinky نشيطة
pinky نشيطة
avatar

بلدى ــاّ :

الجنس : انثى

عدد المساهمات : 17

تاريخ التسجيل : 23/06/2010

MMs :


مُساهمةموضوع: مش بعررررررررف اكذب   الأربعاء يونيو 23, 2010 7:54 am

ازيكم يا آل pinky girls


اول امبارح و انا قاعده زى عادتى باتفرج على التليفزيون



المهم قلبت على mbc max لقيتهم جايبين فيلم liar liar بتاع جيم كارى

الفيلم ده انا شوفته كتير قبل كده

بس بحبه جداااااااااااااااا


المهم استعديت للفيلم

قومت جبت شوية لب على سودانى ( و ليذهب الريجيم الى الجحيم )


المهم قعدت اتفرج على الفيلم


الفيلم للى ما شافهوش قبل كده فكرته بتدور حوالين محامى محترف كذب بيكذب فى كل الاوقات بسبب و بدون سبب

الموضوع ده كان عامل مشاكل نفسية جامدة لابنه الوحيد

يوم عيد ميلاد الولد اتمنى أمنية عيد الميلاد و هى ان والده يبطل كذب لمدة يوم واحد

و طبعا لكم ان تتخيلوا المشكلة اللى وقع فيها البطل

مش قادر يكذب خالص

و لا حتى قادر يجامل

و كان هايروح فى داهية بسبب الموضوع ده

بس اكتر مشهد عجبنى لما ابنه استغل الامنية دى و سأله عن الاسئلة اللى نفسه يعرف اجابتها بجد

زى هى المصارعه حقيقية و لا لأ

و لو قلبت وشى هايفضل فعلا على الشكل ده

مامتى كانت على طول تضحك عليا و انا صغيرة و تقولى لو قلبتى جفنك اللى فوق و قعدتى تخوفى اخوكى

هايقف على كده و مش هاتعرفى ترجعيه تانى

و طبعا كنت باصدقها و باخاف اقلبه

ده احنا كنا هبل اوى و احنا صغيرين

المهم بما انى قاعده فاضية و ما واريش اى حاجه قعدت اتخيل لو الموضوع ده حصل معايا هايبقى موقفى ايه

يعنى لو قعدت 24 ساعة مش قادرة اكذب هايبقى الحال ايه

انا مش كذابه و الحمد لله

بس المفروض ان حتى المجامله مش هاقدر عليها


يعنى مثلا لو طنط صاحبت السوبر ماركت اللى تحتنا في مصر سألتنى هى ندى بتضايقك فى حاجة لسه

ندى للى ما يعرفهاش خبرة فى انها تتطوح السبت كل ما انزله علشان اشترى حاجه غير انها بتقولى يا طنط و هى شحطه و بتقعد تغنى و صوتها شبه صوت يوسف داوود


طبعا مش هاقولها زى كل مرة ندى دى نسمه و ملاك يا ريتك جبتى منها 4


لأ بقى


هاقولها بنتك دى مفترية و يا ريتك كنتى بركتى عليها لما ولدتيها و يقطع العيال على اللى عايز يجيب عيال زى بنتك دى و روحى يا شيخه منك لله انتى و بنتك فى ساعه واحده



ده غير كم المشاكل اللى كانت هاتحصل بينى و بين مامتى و اخويا

يعنى زى تعبتك يا حبيبتى بعد ما تعزم لى العائلة الكريمة كلها فى يوم واحد و اشيل انا المطبخ من الالف الى الياء لو كنت بعرف اطبخ

اكيد ما كنتش هاقولها تعبك راحه يا حبيبتى يا ريتك تعزميهم كل يوم و الله كانوا ماليين علينا البيت اخواتك و عيالهم حبايب قلبى


لا بقى


و لا بلاش دى مامتى و عيب اقول اللى كنت هاعمله كده قدام الناس

عيب يا ديدا و بالوالدين احسانا


اخويا بقى


اكيد الاسعاف كانت هاتيجيى تشيل حد مننا و التانى كان هايقضى باقى عمره خلف اسوار السجون



ده من ناحية


من ناحية تانية تخيلت انى اقدر اتمنى الامنية دى للناس و تجيلى الفرصة أسألهم على الاسئلة اللى محيرانى



يعنى مثلا


كنت هاسال الاخوة اللى حاطين امتحانات الثانوية العامية في مصر

بذمتك يا شيخ انت و هو ضمايركم مرتاحه و انتوا جايبين اسئلة تشل كده


الأخ احمد زكى بدر


بذمتك مش بتبقى فرحان و مزقطط و انت شايف العيال طالعه بتنوح من الامتحانات كل يوم يا سايكو يا معقد




الاخ عمرو دياب


امتى هاتعرف امتى انك كبرت امتى على التنطيط على المسرح و على العضله اللى منفوخه عند حسن كاوتش


الاخ محمد سعد


امتى هاتعقل امتى و تبطل تعمل اللمبى

ده مش ناقص غير انه يرشح نفسه فى الانتخابات رمز اللمبى



الاخ تامر حسنى


هاتخلى مامتك تركب لك زراير لقمصانك مكان اللى بتقع امتى


الغالى ابن الغاليين


هاتنتحر امتى و تخلصنا منك بقى اصله واضح انه لزق فى الكرسى خلاص


الأخ حبيب العادلى



يا ترى خالد يستاهل اللى حصل له و مش هاقول انه بطل او شهيد حتى لو كان بيتعاطى مخدرات و حشاش هو كان يستحق انه يتقتل بالصورة دى


و لو انت راجل محترم مش كان زمانك مستقيل من زمن



المسئولين اللى بيتعالجوا على نفقة الدوله هما و اهلهم


بذمتكم مش خسارة فيكم العلاج و هو اللى سرقتوه من البلد شوية و لا انتوا البعدا محتاجين مثلا و احنا مش واخدين بالنا


الزغلول الكبير


مش شايف ان البلد ما بقاش فيها حاجه خلاص تتسرق دى الناس بتكح تراب و اسمنت دلوقتى من الفقر






ناس كتير اووووووى نفسى اتمنى لهم الامنيه دى


بس اكتر حد بصراحه نفسى اتمناها له و لو حتى 10 دقايق مش يوم كامل

هو الواد انس ابن خالى

نفسى اعرف ابيبكيكبيبيكبيبكوو اللى بتقولها لى و انت قرفان دى و بتعقبها بتشويح كان هايعمينى اخرمرة


يا ترى الكلام ده شتيمة زى ما انا حاسه

و لا بتهزر معايا زى ما باباك بيقولى






و طبعا هاسألكم بذمتكم انا رغايه زى ما مطلعين عليا اشاعات و متهمينى دايما





يا ترى انتوا بقى لو الفرصه جاتلكم هاتسألوا مين


و لو اتحطيتوا فى الموقف و ما قدرتوش تكذبوا و لو حتى من باب المجاملة شايفين انه مش هاتحصل لكم اى مشاكل







صباحكم سكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Miss Pinky
مديرة pinky
مديرة pinky
avatar

بلدى ــاّ :

الجنس : انثى

عدد المساهمات : 149

تاريخ التسجيل : 20/06/2010

الموقع : مصـــــر

العمل/الترفيه : طالبهـ وللاسف

MMs :


مُساهمةموضوع: رد: مش بعررررررررف اكذب   الأربعاء يونيو 23, 2010 8:13 am

اكيد الصراحه بتزعل الناس

ولو قولتى رايك بكل صراحه الناس هتزعل منك وممكن الناس تبعد عنك وتهجرك

مشكووورهـ يا عسل ع الموضوع الجامد زيك ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://pinkygirls.yoo7.com
Paris P!nk
مديرة pinky
مديرة pinky
avatar

بلدى ــاّ :

الجنس : انثى

عدد المساهمات : 244

تاريخ التسجيل : 20/06/2010

العمل/الترفيه : طــــالبـــــهـ

MMs :


مُساهمةموضوع: رد: مش بعررررررررف اكذب   الجمعة يونيو 25, 2010 5:08 pm

تسلمى يا قلبى ع الموضوع ومفيش احسن من الصراحة بس انا زعلت عشان تامر حسنى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sweet girl
مصممة pinky
مصممة pinky
avatar

بلدى ــاّ :

الجنس : انثى

عدد المساهمات : 110

تاريخ التسجيل : 02/07/2010

MMs :


مُساهمةموضوع: رد: مش بعررررررررف اكذب   السبت يوليو 10, 2010 10:12 am

شكرا على الموضوع..لكن انا ما فهمت الموضوع زين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
crazy girl
pinky نشيطة
pinky نشيطة
avatar

بلدى ــاّ :

الجنس : انثى

عدد المساهمات : 64

تاريخ التسجيل : 21/06/2010

MMs :


مُساهمةموضوع: رد: مش بعررررررررف اكذب   السبت يوليو 10, 2010 12:58 pm

مشكوره عالموضوع

تسلم ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مش بعررررررررف اكذب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
pinky Girls  :: عالمناّ العام :: المنتدى العام-
انتقل الى: